प्रान कंठगत भयउ भुआलू मनि बिहीन जनु ब्याकुल ब्यालू

सचिव आगमनु सुनत सबु बिकल भयउ रनिवासु
भवन भयंकरु लाग तेहि मानहुँ प्रेत निवासु

देखि सचिवँ जय जीव कहि कीन्हेउ दंड प्रनामु
सुनत उठेउ ब्याकुल नृपति कहु सुमंत्र कहँ रामु

सखा रामु सिय लखनु जहँ तहाँ मोहि पहुँचाउ
नाहिं त चाहत चलन अब प्रान कहउँ सतिभाउ

प्रथम बासु तमसा भयउ दूसर सुरसरि तीर
न्हाई रहे जलपानु करि सिय समेत दोउ बीर

लखन कहे कछु बचन कठोरा बरजि राम पुनि मोहि निहोरा
बार बार निज सपथ देवाई कहबि न तात लखन लरिकाई

सुत बचन सुनतहिं नरनाहू परेउ धरनि उर दारुन दाहू
तलफत बिषम मोह मन मापा माजा मनहुँ मीन कहुँ ब्यापा
करि बिलाप सब रोवहिं रानी महा बिपति किमि जाइ बखानी
सुनि बिलाप दुखहू दुखु लागा धीरजहू कर धीरजु भागा

भयउ कोलाहलु अवध अति सुनि नृप राउर सोरु
बिपुल बिहग बन परेउ निसि मानहुँ कुलिस कठोरु

प्रान कंठगत भयउ भुआलू मनि बिहीन जनु ब्याकुल ब्यालू
इद्रीं सकल बिकल भइँ भारी जनु सर सरसिज बनु बिनु बारी
कौसल्याँ नृपु दीख मलाना रबिकुल रबि अँथयउ जियँ जाना
उर धरि धीर राम महतारी बोली बचन समय अनुसारी

धीरजु धरिअ त पाइअ पारू नाहिं त बूड़िहि सबु परिवारू
जौं जियँ धरिअ बिनय पिय मोरी रामु लखनु सिय मिलहिं बहोरी

जब जब रामु अवध सुधि करहीं तब तब बारि बिलोचन भरहीं

जब जब रामु अवध सुधि करहीं तब तब बारि बिलोचन भरहीं
सुमिरि मातु पितु परिजन भाई भरत सनेहु सीलु सेवकाई
कृपासिंधु प्रभु होहिं दुखारी धीरजु धरहिं कुसमउ बिचारी
लखि सिय लखनु बिकल होइ जाहीं जिमि पुरुषहि अनुसर परिछाहीं

चित्रकूट के बिहग मृग बेलि बिटप तृन जाति पुन्य पुंज सब धन्य अस कहहिं देव दिन राति

केरि केहरि कपि कोल कुरंगा बिगतबैर बिचरहिं सब संगा
फिरत अहेर राम छबि देखी होहिं मुदित मृगबंद बिसेषी
बिबुध बिपिन जहँ लगि जग माहीं देखि राम बनु सकल सिहाहीं
सुरसरि सरसइ दिनकर कन्या मेकलसुता गोदावरि धन्या
सब सर सिंधु नदी नद नाना मंदाकिनि कर करहिं बखाना
उदय अस्त गिरि अरु कैलासू मंदर मेरु सकल सुरबासू
सैल हिमाचल आदिक जेते चित्रकूट जसु गावहिं तेते
बिंधि मुदित मन सुखु न समाई श्रम बिनु बिपुल बड़ाई पाई

चित्रकूट के बिहग मृग बेलि बिटप तृन जाति
पुन्य पुंज सब धन्य अस कहहिं देव दिन राति

नयनवंत रघुबरहि बिलोकी पाइ जनम फल होहिं बिसोकी
परसि चरन रज अचर सुखारी भए परम पद के अधिकारी
सो बनु सैलु सुभायँ सुहावन मंगलमय अति पावन पावन
महिमा कहिअ कवनि बिधि तासू सुखसागर जहँ कीन्ह निवासू
पय पयोधि तजि अवध बिहाई जहँ सिय लखनु रामु रहे आई

नीलकंठ कलकंठ सुक चातक चक्क चकोर भाँति भाँति बोलहिं बिहग श्रवन सुखद चित चोर

बिदा किए सिर नाइ सिधाए। प्रभु गुन कहत सुनत घर आए
एहि बिधि सिय समेत दोउ भाई बसहिं बिपिन सुर मुनि सुखदाई
जब ते आइ रहे रघुनायकु तब तें भयउ बनु मंगलदायकु
फूलहिं फलहिं बिटप बिधि नानामंजु बलित बर बेलि बिताना
सुरतरु सरिस सुभायँ सुहाए मनहुँ बिबुध बन परिहरि आए
गंज मंजुतर मधुकर श्रेनी त्रिबिध बयारि बहइ सुख देनी

नीलकंठ कलकंठ सुक चातक चक्क चकोर
भाँति भाँति बोलहिं बिहग श्रवन सुखद चित चोर

मंगल भवन अमंगल हारी द्रवउ सो दसरथ अजिर बिहारी

मंगल भवन अमंगल हारी  

द्रवउ सो दसरथ अजिर बिहारी

रामहि केवल प्रेमु पिआरा जानि लेउ जो जाननिहारा

रामहि केवल प्रेमु पिआरा 

जानि लेउ जो जाननिहारा
राम सकल बनचर तब तोषे 

कहि मृदु बचन प्रेम परिपोषे

अमर नाग किंनर दिसिपाला चित्रकूट आए तेहि काला

लखन जानकी सहित प्रभु राजत रुचिर निकेत
सोह मदनु मुनि बेष जनु रति रितुराज समेत

अमर नाग किंनर दिसिपाला चित्रकूट आए तेहि काला
राम प्रनामु कीन्ह सब काहू मुदित देव लहि लोचन लाहू
बरषि सुमन कह देव समाजू नाथ सनाथ भए हम आजू
करि बिनती दुख दुसह सुनाए हरषित निज निज सदन सिधाए
चित्रकूट रघुनंदनु छाए। समाचार सुनि सुनि मुनि आए
आवत देखि मुदित मुनिबृंदा कीन्ह दंडवत रघुकुल चंदा
मुनि रघुबरहि लाइ उर लेहीं सुफल होन हित आसिष देहीं
सिय सौमित्र राम छबि देखहिं साधन सकल सफल करि लेखहिं

जथाजोग सनमानि प्रभु बिदा किए मुनिबृंद
करहि जोग जप जाग तप निज आश्रमन्हि सुछंद