Hare Rama
भयउ बिषादु निषादहि भार राम सीय महि सयन निहारी
बोले लखन मधुर मृदु बानी ग्यान बिराग भगति रस सानी
काहु न कोउ सुख दुख कर दाता निज कृत करम भोग सबु भ्राता
जोग बियोग भोग भल मंदा हित अनहित मध्यम भ्रम फंदा
जनमु मरनु जहँ लगि जग जालू संपती बिपति करमु अरु कालू
धरनि धामु धनु पुर परिवारू सरगु नरकु जहँ लगि ब्यवहारू
देखिअ सुनिअ गुनिअ मन माहीं मोह मूल परमारथु नाहीं
बोले लखन मधुर मृदु बानी ग्यान बिराग भगति रस सानी
काहु न कोउ सुख दुख कर दाता निज कृत करम भोग सबु भ्राता
जोग बियोग भोग भल मंदा हित अनहित मध्यम भ्रम फंदा
जनमु मरनु जहँ लगि जग जालू संपती बिपति करमु अरु कालू
धरनि धामु धनु पुर परिवारू सरगु नरकु जहँ लगि ब्यवहारू
देखिअ सुनिअ गुनिअ मन माहीं मोह मूल परमारथु नाहीं
सपनें होइ भिखारि नृप रंकु नाकपति होइ
जागें लाभु न हानि कछु तिमि प्रपंच जियँ जोइ
अस बिचारि नहिं कीजअ रोसू काहुहि बादि न देइअ दोसू
मोह निसाँ सबु सोवनिहारा देखिअ सपन अनेक प्रकारा
एहिं जग जामिनि जागहिं जोगी परमारथी प्रपंच बियोगी
जानिअ तबहिं जीव जग जागा जब जब बिषय बिलास बिरागा
होइ बिबेकु मोह भ्रम भागा तब रघुनाथ चरन अनुरागा
सखा परम परमारथु एहू मन क्रम बचन राम पद नेहू
राम ब्रह्म परमारथ रूपा अबिगत अलख अनादि अनूपा
सकल बिकार रहित गतभेदा कहि नित नेति निरूपहिं बेदा
भगत भूमि भूसुर सुरभि सुर हित लागि कृपाल
करत चरित धरि मनुज तनु सुनत मिटहि जग जाल
Hare Rama