परमारथ स्वारथ सुख सारे भरत न सपनेहुँ मनहुँ निहारे
साधन सिद्ध राम पग नेहू मोहि लखि परत भरत मत एहू
भोरेहुँ भरत न पेलिहहिं मनसहुँ राम रजाइ
करिअ न सोचु सनेह बस कहेउ भूप बिलखाइ
प्रान प्रान के जीव के जिव सुख के सुख राम
तुम्ह तजि तात सोहात गृह जिन्हहि तिन्हहिं बिधि बाम
सो सुखु करमु धरमु जरि जाऊ जहँ न राम पद पंकज भाऊ
जोगु कुजोगु ग्यानु अग्यानू। जहँ नहिं राम पेम परधानू
तुम्ह बिनु दुखी सुखी तुम्ह तेहीं तुम्ह जानहु जिय जो जेहि केहीं
राउर आयसु सिर सबही कें बिदित कृपालहि गति सब नीकें
आपु आश्रमहि धारिअ पाऊ भयउ सनेह सिथिल मुनिराऊ
करि प्रनाम तब रामु सिधाए रिषि धरि धीर जनक पहिं आए
राम बचन गुरु नृपहि सुनाए सील सनेह सुभायँ सुहाए
राम सत्यब्रत धरम रत सब कर सीलु सनेहु
संकट सहत सकोच बस कहिअ जो आयसु देहु
राखि राम रुख धरमु ब्रतु पराधीन मोहि जानि
सब कें संमत सर्ब हित करिअ पेमु पहिचानि
रामु सनेह सकोच बस कह ससोच सुरराज
रचहु प्रपंचहि पंच मिलि नाहिं त भयउ अकाजु