छहूँ रितु

कीरति सरित छहूँ रितु रूरी समय सुहावनि पावनि भूरी
हिम हिमसैलसुता सिव ब्याहू सिसिर सुखद प्रभु जनम उछाहू
बरनब राम बिबाह समाजू सो मुद मंगलमय रितुराजू
ग्रीषम दुसह राम बनगवनू पंथकथा खर आतप पवनू
बरषा घोर निसाचर रारी सुरकुल सालि सुमंगलकारी
राम राज सुख बिनय बड़ाई बिसद सुखद सोइ सरद सुहाई
सती सिरोमनि सिय गुनगाथा सोइ गुन अमल अनूपम पाथा
भरत सुभाउ सुसीतलताई सदा एकरस बरनि न जाई