अरथ न धरम न काम रुचि गति न चहउँ निरबान जनम जनम रति राम पद यह बरदानु न आन

सकल काम प्रद तीरथराऊ बेद बिदित जग प्रगट प्रभाऊ
मागउँ भीख त्यागि निज धरमू आरत काह न करइ कुकरमू
अस जियँ जानि सुजान सुदानी सफल करहिं जग जाचक बानी
अरथ न धरम न काम रुचि गति न चहउँ निरबान
जनम जनम रति राम पद यह बरदानु न आन

भरत तीसरे पहर कहँ कीन्ह प्रबेसु प्रयाग

भरत तीसरे पहर कहँ कीन्ह प्रबेसु प्रयाग
कहत राम सिय राम सिय उमगि उमगि अनुराग

राम राम कहि जे जमुहाहीं तिन्हहि न पाप पुंज समुहाहीं

राम राम कहि जे जमुहाहीं 

तिन्हहि न पाप पुंज समुहाहीं
यह तौ राम लाइ उर लीन्हा 

कुल समेत जगु पावन कीन्हा
करमनास जलु सुरसरि परई 

तेहि को कहहु सीस नहिं धरई
उलटा नामु जपत जगु जाना 

बालमीकि भए ब्रह्म समाना

करत दंडवत देखि तेहि भरत लीन्ह उर लाइ मनहुँ लखन सन भेंट भइ प्रेम न हृदयँ समाइ

करत दंडवत देखि तेहि भरत लीन्ह उर लाइ  

मनहुँ लखन सन भेंट भइ प्रेम न हृदयँ समाइ

पय अहार फल असन एक निसि भोजन एक लोग करत राम हित नेम ब्रत परिहरि भूषन भोग

पय अहार फल असन एक निसि भोजन एक लोग
करत राम हित नेम ब्रत परिहरि भूषन भोग

सौंपि नगर सुचि सेवकनि सादर सकल चलाइ सुमिरि राम सिय चरन तब चले भरत दोउ भाइ

सौंपि नगर सुचि सेवकनि सादर सकल चलाइ
सुमिरि राम सिय चरन तब चले भरत दोउ भाइ

आपनि दारुन दीनता कहउँ सबहि सिरु नाइ देखें बिनु रघुनाथ पद जिय कै जरनि न जाइ

आपनि दारुन दीनता कहउँ सबहि सिरु नाइ
देखें बिनु रघुनाथ पद जिय कै जरनि न जाइ

कारन तें कारजु कठिन होइ दोसु नहि मोर कुलिस अस्थि तें उपल तें लोह कराल कठोर

कारन तें कारजु कठिन होइ दोसु नहि मोर
कुलिस अस्थि तें उपल तें लोह कराल कठोर

सुनहु भरत भावी प्रबल बिलखि कहेउ मुनिनाथ हानि लाभु जीवन मरनु जसु अपजसु बिधि हाथ

सुनहु भरत भावी प्रबल बिलखि कहेउ मुनिनाथ
हानि लाभु जीवन मरनु जसु अपजसु बिधि हाथ

प्रान प्रान के जीव के जिव सुख के सुख राम तुम्ह तजि तात सोहात गृह जिन्हहि तिन्हहिं बिधि बाम

प्रान प्रान के जीव के जिव सुख के सुख राम
तुम्ह तजि तात सोहात गृह जिन्हहि तिन्हहिं बिधि बाम

राम राम कहि राम कहि राम राम कहि राम तनु परिहरि रघुबर बिरहँ राउ गयउ सुरधाम

प्रिया बचन मृदु सुनत नृपु चितयउ आँखि उघारि
तलफत मीन मलीन जनु सींचत सीतल बारि

धरि धीरजु उठी बैठ भुआलू कहु सुमंत्र कहँ राम कृपालू
कहाँ लखनु कहँ रामु सनेही कहँ प्रिय पुत्रबधू बैदेही
बिलपत राउ बिकल बहु भाँती भइ जुग सरिस सिराति न राती

तापस अंध साप सुधि आई 

कौसल्यहि सब कथा सुनाई

भयउ बिकल बरनत इतिहासा 

राम रहित धिग जीवन आसा
सो तनु राखि करब मैं काहा जेंहि न प्रेम पनु मोर निबाहा
हा रघुनंदन प्रान पिरीते तुम्ह बिनु जिअत बहुत दिन बीते
हा जानकी लखन हा रघुबर हा पितु हित चित चातक जलधर

राम राम कहि राम कहि राम राम कहि राम
तनु परिहरि रघुबर बिरहँ राउ गयउ सुरधाम