तात जनकतनया यह सोई धनुषजग्य जेहि कारन होई

तात जनकतनया यह सोई धनुषजग्य जेहि कारन होई
पूजन गौरि सखीं लै आई करत प्रकासु फिरइ फुलवाई
जासु बिलोकि अलौकिक सोभा सहज पुनीत मोर मनु छोभा
सो सबु कारन जान बिधाता फरकहिं सुभद अंग सुनु भ्राता

धरि धीरजु एक आलि सयानी सीता सन बोली गहि पानी
बहुरि गौरि कर ध्यान करेहू भूपकिसोर देखि किन लेहू

देखन मिस मृग बिहग तरु फिरइ बहोरि बहोरि
निरखि निरखि रघुबीर छबि बाढ़इ प्रीति न थोरि

जानि कठिन सिवचाप बिसूरति चली राखि उर स्यामल मूरति
प्रभु जब जात जानकी जानी सुख सनेह सोभा गुन खानी
परम प्रेममय मृदु मसि कीन्हीचारु चित भीतीं लिख लीन्ही
गई भवानी भवन बहोरी बंदि चरन बोली कर जोरी

गौतम नारि श्राप बस उपल देह धरि धीर चरन कमल रज चाहति कृपा करहु रघुबीर

तब मुनि सादर कहा बुझाई चरित एक प्रभु देखिअ जाई
धनुषजग्य सुनि रघुकुल नाथा हरषि चले मुनिबर के साथा
आश्रम एक दीख मग माहीं खग मृग जीव जंतु तहँ नाहीं
पूछा मुनिहि सिला प्रभु देखी सकल कथा मुनि कहा बिसेषी
गौतम नारि श्राप बस उपल देह धरि धीर
चरन कमल रज चाहति कृपा करहु रघुबीर

परसत पद पावन सोक नसावन प्रगट भई तपपुंज सही
देखत रघुनायक जन सुखदायक सनमुख होइ कर जोरि रही
अति प्रेम अधीरा पुलक सरीरा मुख नहिं आवइ बचन कही
अतिसय बड़भागी चरनन्हि लागी जुगल नयन जलधार बही
धीरजु मन कीन्हा प्रभु कहुँ चीन्हा रघुपति कृपाँ भगति पाई
अति निर्मल बानीं अस्तुति ठानी ग्यानगम्य जय रघुराई
मै नारि अपावन प्रभु जग पावन रावन रिपु जन सुखदाई
राजीव बिलोचन भव भय मोचन पाहि पाहि सरनहिं आई
मुनि श्राप जो दीन्हा अति भल कीन्हा परम अनुग्रह मैं माना
देखेउँ भरि लोचन हरि भवमोचन इहइ लाभ संकर जाना
बिनती प्रभु मोरी मैं मति भोरी नाथ न मागउँ बर आना
पद कमल परागा रस अनुरागा मम मन मधुप करै पाना
जेहिं पद सुरसरिता परम पुनीता प्रगट भई सिव सीस धरी
सोई पद पंकज जेहि पूजत अज मम सिर धरेउ कृपाल हरी
एहि भाँति सिधारी गौतम नारी बार बार हरि चरन परी
जो अति मन भावा सो बरु पावा गै पतिलोक अनंद भरी
अस प्रभु दीनबंधु हरि कारन रहित दयाल
तुलसिदास सठ तेहि भजु छाड़ि कपट जंजाल

बिनु फर बान राम तेहि मारा सत जोजन गा सागर पारा

प्रात कहा मुनि सन रघुराई निर्भय जग्य करहु तुम्ह जाई
होम करन लागे मुनि झारी आपु रहे मख कीं रखवारी
सुनि मारीच निसाचर क्रोही लै सहाय धावा मुनिद्रोही
बिनु फर बान राम तेहि मारा सत जोजन गा सागर पारा
पावक सर सुबाहु पुनि मारा अनुज निसाचर कटकु सँघारा
मारि असुर द्विज निर्भयकारी अस्तुति करहिं देव मुनि झारी
तहँ पुनि कछुक दिवस रघुराया रहे कीन्हि बिप्रन्ह पर दाया
भगति हेतु बहु कथा पुराना कहे बिप्र जद्यपि प्रभु जाना

अनुज समेत देहु रघुनाथा निसिचर बध मैं होब सनाथा

बिस्वामित्र महामुनि ग्यानी बसहिं बिपिन सुभ आश्रम जानी

जहँ जप जग्य मुनि करहीं अति मारीच सुबाहुहि डरहीं
देखत जग्य निसाचर धावहिं करहि उपद्रव मुनि दुख पावहिं

तब मुनिवर मन कीन्ह बिचारा प्रभु अवतरेउ हरन महि भारा

करि मज्जन सरऊ जल गए भूप दरबार

असुर समूह सतावहिं मोही मै जाचन आयउँ नृप तोही
अनुज समेत देहु रघुनाथा निसिचर बध मैं होब सनाथा

मागहु भूमि धेनु धन कोसा सर्बस देउँ आजु सहरोसा
देह प्रान तें प्रिय कछु नाहीं सोउ मुनि देउँ निमिष एक माहीं

तब बसिष्ट बहुबिधि समुझावा नृप संदेह नास कहँ पावा

सौंपे भूप रिषिहि सुत बहु बिधि देइ असीस
जननी भवन गए प्रभु चले नाइ पद सीस